వరంగల్: కాకతీయ ఇన్‌స్టిట్యూట్ ఆఫ్ టెక్నాలజీ అండ్ సైన్స్ (కిట్స్), వరంగల్‌కు చెందిన బీటెక్ కంప్యూటర్ సైన్స్ అండ్ ఇంజినీరింగ్ విద్యార్థిని ఆర్. సాయి సంజనారెడ్డి నట్వర్ గోపీకృష్ణ అవార్డు–2026ను గెలుచుకున్నారు. కూచిపూడి నృత్యంలో ప్రతిభ కనబరిచినందుకు ఆమెకు ఈ అవార్డు లభించింది.
సంజనారెడ్డి కిట్స్‌లో స్వామి వివేకానంద బర్త్‌డే సెలబ్రేషన్స్ (ఎస్‌వీబీసీ) క్లబ్ అధ్యక్షురాలిగా కూడా వ్యవహరిస్తున్నారు. ఛత్తీస్‌గఢ్‌లోని రాయ్‌పూర్‌లో నిర్వహించిన ఏడీఏ నట్వర్ గోపీకృష్ణ నేషనల్ అవార్డ్స్, అంతర్జాతీయ సంగీత, నృత్య పోటీలు, నృత్యానందలహరి డ్యాన్స్ ఫెస్ట్–2026లో ఆమె ఈ అవార్డును అందుకున్నారు.
చదువుతో పాటు కూచిపూడి నృత్యంలోనూ సంజనారెడ్డి చూపుతున్న ఆసక్తి, కృషి అభినందనీయమని కిట్స్ ప్రిన్సిపల్ ప్రొఫెసర్ కె. అశోక్ రెడ్డి తెలిపారు. ఆమె ది టెంపుల్ డ్యాన్స్ స్కూల్ ఆఫ్ ఫైన్ ఆర్ట్స్‌కు చెందిన గురు హిమాన్షి కత్రగడ్డ వద్ద నృత్య శిక్షణ పొందారు.
మాజీ రాజ్యసభ సభ్యుడు, కిట్స్ ఛైర్మన్ కెప్టెన్ వి. లక్ష్మీకాంతరావు, కోశాధికారి పి. నారాయణరెడ్డి, హుస్నాబాద్ మాజీ ఎమ్మెల్యే, కిట్స్ అదనపు కార్యదర్శి వొడితల సతీష్ కుమార్, ప్రిన్సిపల్ ప్రొఫెసర్ కె. అశోక్ రెడ్డి సంజనారెడ్డిని అభినందించారు.
సీఎస్‌ఈ విభాగాధిపతి ప్రొఫెసర్ పి. నిరంజన్, విద్యార్థి వ్యవహారాల డీన్ ప్రొఫెసర్ కె. శ్రీధర్, వివిధ విభాగాల డీన్లు, విభాగాధిపతులు, అధ్యాపకులు, ఎండీఎఫ్ ఫ్యాకల్టీ ఇన్‌చార్జిలు డాక్టర్ పి.ఎస్.ఎస్. మూర్తి, కె. శైలజ, ఎస్‌వీబీసీ క్లబ్ ఫ్యాకల్టీ ఇన్‌చార్జి డాక్టర్ కె. రాజేంద్ర ప్రసాద్, ఎండీఎఫ్ జాయింట్ సెక్రటరీ టి.వి.ఎన్. దివ్యాంశ్, కెమిస్ట్రీ అసోసియేట్ ప్రొఫెసర్, పీఆర్వో డాక్టర్ డి. ప్రభాకర చారి తదితరులు ఆమెను అభినందించి, విద్యా, కళారంగాల్లో మరిన్ని విజయాలు సాధించాలని ఆకాంక్షించారు.
