కిట్స్ అసిస్టెంట్ ప్రొఫెసర్ డాక్టర్ రావుల రాజేష్‌కు డాక్టరేట్

వరంగల్: కాకతీయ ఇన్‌స్టిట్యూట్ ఆఫ్ టెక్నాలజీ అండ్ సైన్స్, వరంగల్ (KITSW) కంప్యూటర్ సైన్స్ అండ్ ఇంజినీరింగ్ (CSE) విభాగం అసిస్టెంట్ ప్రొఫెసర్ డాక్టర్ రావుల రాజేష్‌కు అసోం రాష్ట్రంలోని నేషనల్ ఇన్‌స్టిట్యూట్ ఆఫ్ టెక్నాలజీ (NIT) సిల్చార్ పీహెచ్‌డీ ప్రదానం చేసింది.
ఎడ్జ్ కంప్యూటింగ్, వైర్‌లెస్ సెన్సార్ నెట్‌వర్క్స్, అడాప్టివ్ రూటింగ్, లైట్‌వెయిట్ సెక్యూరిటీ అంశాల్లో ఆయన పరిశోధన చేశారు. NIT సిల్చార్‌కు చెందిన అసిస్టెంట్ ప్రొఫెసర్ డాక్టర్ రిపన్ పట్గిరి సూపర్‌వైజర్‌గా, అసిస్టెంట్ ప్రొఫెసర్ డాక్టర్ డోలెండ్రో సింగ్ కో-సూపర్‌వైజర్‌గా వ్యవహరించారు.
డాక్టర్ రాజేష్ “Intelligent Energy-Efficient and Secure Routing Protocol for Next-Generation Wireless Sensor Networks” అనే అంశంపై పీహెచ్‌డీ థీసిస్ సమర్పించారు. పరిమిత వనరులు కలిగిన వైర్‌లెస్ సెన్సార్ నెట్‌వర్క్స్, ఎడ్జ్ కంప్యూటింగ్ పరిసరాల్లో తక్కువ శక్తి వినియోగంతో పనిచేసే, భద్రత కలిగిన రూటింగ్ విధానాల అభివృద్ధిపై ఆయన పరిశోధన సాగింది.
పరిశోధనలో భాగంగా DynaClusterNet, ECRCEF, Lightweight Zero-Trust Curve Protocol (LZTCP) వంటి ఫ్రేమ్‌వర్క్‌లు, ప్రోటోకాల్‌లను అభివృద్ధి చేశారు. డైనమిక్ క్లస్టరింగ్, అడాప్టివ్ క్లస్టర్-హెడ్ ఎంపిక, ఆర్టిఫిషియల్ ఇంటెలిజెన్స్, రీఇన్‌ఫోర్స్‌మెంట్ లెర్నింగ్ ఆధారిత రూటింగ్, Q-Learning, Deep Reinforcement Learning, శక్తి వినియోగ ఆధారిత వనరుల నిర్వహణ, లైట్‌వెయిట్ సెక్యూరిటీ విధానాలను పరిశోధనలో ఉపయోగించారు.
వైర్‌లెస్, ఎడ్జ్ నెట్‌వర్క్స్‌లో శక్తి సామర్థ్యం, రూటింగ్, భద్రత, వనరుల నిర్వహణ వంటి అంశాల్లో డాక్టర్ రాజేష్ పరిశోధన చేశారని KITSW ప్రిన్సిపాల్ ప్రొఫెసర్ కె. అశోక్ రెడ్డి తెలిపారు. జాతీయ, అంతర్జాతీయ జర్నల్స్, సదస్సుల్లో ఆయన పరిశోధనా పత్రాలను ప్రచురించినట్లు పేర్కొన్నారు.
డాక్టర్ రాజేష్ పీహెచ్‌డీ పూర్తి చేసిన సందర్భంగా KITS వరంగల్ చైర్మన్, మాజీ రాజ్యసభ సభ్యుడు కెప్టెన్ వి. లక్ష్మీకాంతరావు, KITSW ట్రెజరర్ పి. నారాయణ రెడ్డి, మాజీ ఎమ్మెల్యే, KITSW అదనపు కార్యదర్శి వొడితల సతీష్ కుమార్, ప్రిన్సిపాల్ ప్రొఫెసర్ కె. అశోక్ రెడ్డి అభినందించారు.
రిజిస్ట్రార్ ప్రొఫెసర్ ఎం. కోమల్ రెడ్డి, అడ్మినిస్ట్రేటివ్ ఆఫీసర్ ప్రొఫెసర్ పి. రమేష్ రెడ్డి, CSE విభాగాధిపతి డాక్టర్ పి. నిరంజన్, డీన్ అకడమిక్ అఫైర్స్ ప్రొఫెసర్ ఎస్. నరసింహ రెడ్డి, ఇతర డీన్లు, విభాగాధిపతులు, అధ్యాపకులు, సిబ్బంది, కుటుంబ సభ్యులు కూడా డాక్టర్ రాజేష్‌ను అభినందించారు. కెమిస్ట్రీ అసోసియేట్ ప్రొఫెసర్, పీఆర్వో డాక్టర్ డి. ప్రభాకర చారి ఆయనకు శుభాకాంక్షలు తెలిపారు.