జగదేకవీరుడు..అతిలోకసుందరి..

ఇంద్రజ మ్యాజిక్..
రాజు లాజిక్..!

జగదేకవీరుడు..
అతిలోకసుందరి..

అది 1990 మే 9..
రాష్ట్రం అతి భీకరమైన తుపాను తాకిడితో
అల్లాడిపోతోంది..
ఎక్కడికక్కడ జనజీవితం
అతలాకుతలం అయి ఉంది.
విద్యుత్ వైర్లు తెగిపోయి
సరఫరా నిలిచి ఎప్పుడు
తిరిగి వస్తుందో తెలియని
భయానక పరిస్థితి..
అప్పుడు పెట్టారు వైజయంతి
మూవీస్ ప్రతిష్టాత్మకంగా నిర్మించిన జగదేకవీరుడు అతిలోకసుందరి సినిమా విడుదల…ఈ సమయంలో బొమ్మ రిలీజ్ చేస్తే బొమ్మ కనిపించదా అనుకుంటే దిమ్మ తిరిగేలా కొట్టింది హిట్టు..
రికార్డులను తిరగరాస్తూ..
మొదట్లో సినిమా జనాలకు ఎక్కలేదు..నానాటికీ ఎక్కింది కిక్కు..మరోవైపు ఇతర సినిమాల విడుదల తుపాను..
ఈ సినిమా సృష్టిస్తున్న వసూళ్ల సుడిగాలి కారణంగా వాయిదా పడడంతో తిరుగులేకుండా పోయింది..చిరంజీవిని ఇంకో లెవెల్ కి తీసుకుపోయింది.
అంతకు ముందు చిరంజీవి శ్రీదేవితో కలిసి రాణి
కాసుల రంగమ్మ..ఇదే రాఘవేంద్రరావు దర్శకత్వంలో
మోసగాడు సినిమాలు చేసి ఉన్నా అప్పటికి అతడు పెద్ద స్టార్ కాకపోవడం..ఆ సినిమాలు ప్లాప్ కావడంతో
అవి ఎవరికీ గుర్తు లేకుండా పోయాయి.. సో..చిరు శ్రీదేవితో
నటించడం అదే మొదటిసారి
అని చాలా మంది అనుకున్నారు..చిరంజీవి..
శ్రీదేవి కాంబినేషన్ అదిరిపోయింది.ఇద్దరూ నృత్యంలో స్పెషలిస్టులు కావడం పెద్ద అసెట్..పాటలు అదిరిపోయాయి..స్టెప్పులు పిచ్చెక్కించాయి..కలెక్షన్లు
సంచలనం సృష్టించాయి.

ఈ సినిమా విడుదలై
ముప్పై ఐదు సంవత్సరాలు పూర్తి కావడం..శ్రీదేవి లేకపోయినా హీరో చిరంజీవి..
నిర్మాత అశ్వినీదత్..
దర్శకుడు రాఘవేంద్రరావు
ఇంద్రకుమారి ఇంద్రజ గురించే మాట్లాడుకుంటూ సినిమా రీరిలీజ్ సందర్భాన్ని హైలైట్ చేసారు.

కాగా..ఇదే సందర్భంలో
జగదేకవీరుడు అతిలోకసుందరి.. సినిమా
రీమేక్ అంశం సర్వత్రా చర్చనీయాంశం అయింది.
చిరంజీవి కొడుకు
రామ్ చరణ్ హీరో…శ్రీదేవి కూతురు జాన్వీ హీరోయిన్..
ఆలోచన బానే అనిపించవచ్చు..
అయితే పోలిక తప్పదు..
ఎంత శ్రీదేవి కూతురైనా
మళ్ళీ ఇంద్రజను ఆవిష్కరించడం కాస్త దుర్లభమే..దుస్సాహసం అవుతుందేమో..ఏమో కాదు..
అవుతుంది..ఇంద్రజ అంటే శ్రీదేవే..ఆ ముగ్ధ మనోహర రూపం..ముద్దు మాటలు..
ఆ పాత్రలో మరొకరిని
చూడడం సంగతి అటుంచితే
ఊహించడమే కష్టం..!

👆ఇది నా అభిప్రాయం..
చదివారుగా..
👇ఇక ఈ సినిమా గురించి
నా రచన చదవండి..

✍🏽✍🏽✍🏽✍🏽✍🏽✍🏽✍🏽✍🏽

ఎక్కడి ఇంద్రకుమారి..
ఎక్కడి రాజు..
భూలోకంలో అదెంత తుపాను..
వసూళ్ల వర్షం..
జనం హర్షం..!

శ్రీదేవి రూపం..
చిరంజీవి హీరోయిజం..
దర్శకేంద్రుడి మాయాజాలం..
అబ్బా అనిపించిన సినిమా..
అబ్బ నీ తీయని దెబ్బ..
అతడు పురుషుల్లో పుంగవ..
ఉంగరం కోసం
ఇంద్రజ తెగువ..
మొత్తంగా..
జగదేకవీరుడు..
అతిలోక సుందరి..
మండువేసవిలో
వినోదాల జల్లు..
కోవెలమూడి హరివిల్లు..!

అందాలలో
అహో మహోదయం..
భూలోకమే నవోదయం..
అసలు ఊహకే అందని కథ
ఒకనాడు ఎన్టీఆర్
జగదేకవీరుడైతే..
మనకథలో
టూరిస్ట్ గైడ్ రాజు..
నాటి ఇంద్రకుమారి సరోజాదేవిని మించి
శ్రీదేవి హొయలు..
ఆ ముద్దు మాటలు..
మానవా..ఆ పిలుపు మానవా..వారేవా..!

పేరుకే ఫాంటసీ..
రాఘవేంద్రుని లెగసీ..
చూస్తున్నంత సేపు అదోలాంటి అనుభూతి..
అమ్రిష్ పురి అషాడభూతి..
వెరసి జగదేకవీరుడు..
అతిలోకసుందరి..
ప్రత్యేకరీతి..!

సురేష్ కుమార్..ఇ
9948546286