మహిళా సమాజ చైతన్యంతోనే భారత సమాజ అభివృద్ధి
మహిళా న్యాయవాదుల రాష్ట్ర సదస్సును విజయవంతం చేయండి
ఒక సమాజం యొక్క పురోగతిని మహిళలు సాధించిన పురోగతి స్థాయిని బట్టి నేను కొలుస్తాను.”….డాక్టర్ బి.ఆర్. అంబేద్కర్
జనాభాలో 50 శాతం ఉన్న మహిళలకు రాజ్యాంగ రక్షణలు ఉన్నప్పటికీ పాలనలో ప్రతీకాత్మక భాగస్వామ్యాన్ని ఎదుర్కొంటున్నారు. నిర్ణయం తీసుకోవడంలో వారి నిజమైన ప్రాతినిధ్యం చాలా తక్కువగా ఉంది, ఫలితంగా భద్రత, విద్య, సాధికారత మరియు ఉపాధి గురించి కొనసాగుతున్న ఆందోళనలు తలెత్తుతున్నాయి. “ఆజాదీ కా అమృత్ మహోత్సవ్” వేడుక తర్వాత కూడా, మహిళలు ఇప్పటికీ అణచివేత, పేదరికం మరియు వివక్షను భరిస్తున్నారు. ఇటీవలి ఎన్ సి ఆర్ బి డేటా మహిళలపై నేరాల పెరుగుదలను ఎత్తి చూపుతుంది. ఇది మతపరమైన పితృస్వామ్యం మరియు కుల వ్యవస్థ ద్వారా తీవ్రతరం చేయబడింది. చాలా మంది మహిళలు ఈ అణచివేత నిర్మాణాలను అంతర్గతీకరించారు, పురోగతిని మరింత అడ్డుకున్నారు. మహిళా రిజర్వేషన్ చట్టం 2023 ఒక మైలురాయి అయినప్పటికీ అణగారిన మహిళలను పట్టించుకోలేదు. శాసనసభల్లో వారికి కోటా నిరాకరించింది. తత్ఫలితంగా చారిత్రక సంస్కరణలు ఉన్నప్పటికీ దోపిడీ, అణచివేత కొనసాగుతోంది. ఈ క్రమంలో ప్రజాస్వామ్యం, పౌర హక్కులు, స్వేచ్ఛ, విద్య మరియు న్యాయాన్ని కాపాడవలసిన అవసరం న్యాయవాద వ్యవస్థపై ఉంది.
గౌతమ బుద్ధుడు, మహా ప్రజాపతి గౌతమి, యశోదర, సామ్రాట్ అశోక, మహాత్మా బసవన్న, వేమారెడ్డి, అక్కమహాదేవి, చత్రపతి శివాజీ మహారాజ్, మాత జిజాభాయి, వీరాంగని జలకరి భాయి, చత్రపతి సాహు మహారాజ్, మాత రమాబాయి, బిర్సా ముండా, సేవాలాల్ గురునానక్, కొమరం భీమ్, నారాయణ గురు, అయ్యాంకాళీ, పండిత అయోతిదాస్, సంతు రవిదాస్, సర్వాయి పాపన్న గౌడ్, పండగ సాయన్న, దొడ్డి కొమరయ్య, కొండా లక్ష్మణ్ బాపూజీ, చాకలి ఐలమ్మ, సమ్మక్క, సారక్క, పూలన్ దేవి, భాగ్యరెడ్డి వర్మ, గుర్రం జాషువా, మారోజు వీరన్న, మాన్యవర్ కాన్షీరామ్ లాంటి వారితో పాటు ఇతర బహుజన మహానీయులు వారి వారి వ్యూహాల్లో అణగారిన ప్రజల విముక్తి కోసం త్యాగపూరిత పోరాటాలు చేసి ఎన్నో హక్కులను సాధించి పెట్టారు.
జోతిబా ఫూలే, డాక్టర్ బి.ఆర్. అంబేద్కర్, పెరియార్, సావిత్రిబాయి ఫూలే, ఫాతిమా షేక్ లాంటి సామాజిక సంస్కర్తలు మహిళల పురోగతికి విద్య మరియు సాంస్కృతిక విముక్తిని నొక్కి చెప్పారు. అయితే మహిళా విముక్తి గురించి వారి దార్శనికత నెరవేరలేదు. ఈ సవాలును గుర్తించి ఐఎల్పిఎ మహిళల విముక్తి మరియు సాధికారత కోసం "మహిళా న్యాయవాదుల సమావేశం" నిర్వహిస్తోంది.
*జ్ఞానం లేకపోవడం మానవత్వాన్ని తగ్గిస్తుంది మరియు భవిష్యత్ తరాలకు విద్యను అందించడానికి మరియు న్యాయమైన సమాజాన్ని సృష్టించడానికి మహిళలకు విద్యను అందించడం కీలకం* ...మహాత్మా జ్యోతిరావు పూలేఇట్టి సమస్యలపై అవగాహనతో ఫిబ్రవరి 28న ఉ. 9.00 గం. నుండి సా. 6.00 గం. వరకు ఇండియన్ లీగల్ ప్రొఫెషనల్స్ అసోసియేషన్ తెలంగాణ శాఖ ఆద్వర్యంలో హైద్రాబాద్ లోని ఖైరతాబాద్ ఇండియన్ ఇంజనీర్స్ భవన్ (మోక్షగుండం విశ్వేశ్వరయ్య హాల్) లో మహిళా న్యాయవాదుల తెలంగాణ రాష్ట్ర సదస్సు నిర్వహిస్తుంది. మహిళలు న్యాయ వ్యవస్థలో రాణిస్తునపటికీ వివక్షను ఎదుర్కొంటున్నారని, ఐక్యతతో ఆ వివక్షను ఎదుర్కొని సమాన అవకాశాలను పొందాలని ప్రధాన లక్ష్యంతో ఈ సదస్సును నిర్వహించడం జరుగుతుంది.
ఇట్టి మహిళా న్యాయవాదుల సదస్సుకు ముఖ్య అతిథిగా పంచాయతీ రాజ్, గ్రామీణాభివృద్ధి మరియు స్త్రీ శిశు సంక్షేమ శాఖ మంత్రి సీతక్క, విశిష్ట అతిథులుగా జస్టిస్ ఇ తిరుమలదేవి, ప్రత్యేక ఆహ్వానితులుగా ఐ ఎల్ పి ఎ జాతీయ అధ్యక్షురాలు సుజాత చౌదంటే హాజరై సందేశాలను ఇస్తారు.
భారతీయ న్యాయ వ్యవస్థ దాని పితృస్వామ్య స్వభావం మహిళా న్యాయమూర్తులు, న్యాయవాదులు, ప్రాసిక్యూటర్లు వారి వృత్తిపరమైన అభివృద్ధి పరిష్కారాలలో ఎదుర్కొంటున్న సమస్యలు అనే అంశంపై హై కోర్టు రిటైర్డ్ జడ్జి జస్టిస్ జి రాధారాణి సందేశం ఇస్తారు.
న్యాయ రక్షకులను రక్షించండి, మహిళా న్యాయవాదులపై ప్రత్యేక దృష్టి సారించి న్యాయవాదుల రక్షణ చట్టం యొక్క రాజ్యాంగ అవసరం అనే అంశంపై ఆంధ్రప్రదేశ్ న్యాయవాది ఆర్ గంగాభవాని ప్రసంగిస్తారు.
ఉన్నత న్యాయస్థానాలలో మహిళా న్యాయమూర్తులు మరియు పబ్లిక్ ప్రాసిక్యూటర్లకు పదవీకాల స్థానాలతో సహా జనాభా దామాషా రిజర్వేషన్లను అమలు అసిస్టెంట్ పబ్లిక్ ప్రాసిక్యూటర్ల నియామకం, బార్ కౌన్సిల్లు బార్ అసోసియేషన్ల ఎన్నికలలో మహిళా వాటాలో బహుజన కోటా తగిన ప్రాతినిధ్యం అనే అంశంపై ఇండియన్ డిఫెన్స్ అకౌంట్స్ సర్వీస్ రిటైర్డ్ అధికారి పి సత్యనారాయణ మూర్తి సందేశం ఇస్తారు.
దేశంలోనే మొదటిసారిగా రాష్ట్ర స్థాయి మహిళా న్యాయవాదుల సదస్సు నిర్వహించి మహిళా సమస్యలతో పాటు మహిళా న్యాయవాదుల సమస్యలు, అవకాశాలపై చర్చించే ప్రాముఖ్యత కలిగిన సదస్సుకు మహిళా న్యాయవాదులు పెద్ద సంఖ్యలో హాజరై విజయవంతం చేయాలని ఇండియన్ లీగల్ ప్రొఫెషనల్స్ అసోసియేషన్ విజ్ఞప్తి చేస్తుంది.
టి లక్ష్మీదేవి
ఐ ఎల్ పి ఎ మహిళా విభాగం రాష్ట్ర అధ్యక్షురాలు
9704935427
