వరంగల్లో YourCity100 యాప్ ప్రారంభం
: నగర అవసరాలు, ఈవెంట్లు, వ్యాపారాలపై ముందస్తు సమాచారం
హనుమకొండ, ఏప్రిల్ 20, 2026:
వరంగల్ పార్లమెంట్ సభ్యురాలు Dr. Kadiyam Kavya సోమవారం హరిత కాకతీయలో YourCity100 యాప్ను ప్రారంభించారు.
ఈ యాప్ నగర అవసరాలు, స్థానిక వ్యాపారాలు, రాబోయే కార్యక్రమాలపై ముందస్తు సమాచారం అందించేందుకు రూపొందించబడింది.
డిజిటల్ బటన్ను నొక్కి ఈ యాప్ను ప్రారంభించగా, భారత్తో పాటు అమెరికాలోని 29 నగరాల్లో ఇది అందుబాటులోకి వచ్చింది.
ఈ సందర్భంగా ఎంపీ మాట్లాడుతూ, వరంగల్ నగరం సాంకేతిక రంగంలో ముందుకు సాగుతోందని తెలిపారు. స్థానిక అవసరాలను అర్థం చేసుకుని ప్రజలకు సమాచారం అందించే వేదికలు నగర అభివృద్ధికి అవసరమని చెప్పారు. యువత ప్రతిభ ప్రపంచ స్థాయికి చేరుకుని తిరిగి స్వస్థలానికి ఉపయోగపడటం మంచి పరిణామమని అన్నారు.
యాప్ వ్యవస్థాపకుడు Avinash Puli ని అభినందిస్తూ, ప్రతి నగరానికి డిజిటల్ గుర్తింపు కల్పించే ఆలోచన భవిష్యత్తులో ఉపయోగపడుతుందని పేర్కొన్నారు.
నిర్వాహకుల వివరాల ప్రకారం, ‘సిటీ పల్స్ ఇంజిన్’ ద్వారా రాబోయే 30 రోజుల నగర కార్యకలాపాలపై అంచనాలు అందించబడతాయి. పండుగలు, పరీక్షలు, వాతావరణం, వ్యాపార అవకాశాలపై సమాచారం వినియోగదారులకు లభిస్తుంది.
ఈ కార్యక్రమంలో కిట్స్ కళాశాల ప్రిన్సిపల్ అశోక రెడ్డి, రిటైర్డ్ కాలేజ్ టీచర్స్ అసోసియేషన్ ప్రెసిడెంట్ Puli సారంగపనీ, వ్యాపారవేత్తలు, విద్యావేత్తలు, విద్యార్థులు, స్థానికులు పాల్గొన్నారు.
