హైదరాబాద్ | మనతెలంగాణా, న్యూస్ డెస్క్
సిక్స్‌ప్యాక్‌ బాడి పిచ్చిలో పడి యువకులు శరీరాన్నే కాదు… జీవితాన్నే నాశనం చేసుకునే ప్రమాదకర ట్రెండ్‌ను అనుసరిస్తున్నారు.
వైద్యుల ప్రిస్క్రిప్షన్ లేకుండా స్టెరాయిడ్ ఇంజెక్షన్లు వినియోగించడం నగరంలో పెరిగిపోయింది.
ఇాలంటి ట్రెండ్ ఫాలో అవుతున్న యువతను లక్ష్యంగా చేసుకుని అక్రమంగా స్టెరాయిడ్ ఇంజెక్షన్లు విక్రయిస్తున్న వ్యక్తిని హైదరాబాద్ సిటీ పోలీస్ కమిషనర్ టాస్క్ ఫోర్స్ (వెస్ట్ జోన్) అధికారులు అరెస్టు చేశారు.
🔴 నిందితుడి వివరాలు
అరెస్టైన వ్యక్తిని మొహమ్మద్ ఫైసల్ ఖాన్ (25)గా గుర్తించారు. అతడు ఫర్నిచర్ వ్యాపారం చేస్తూ తరచుగా జిమ్‌కు వెళ్లేవాడని పోలీసులు తెలిపారు.
యువతలో వేగంగా కండలు పెంచుకోవాలనే ఆకాంక్ష ఎక్కువగా ఉండటాన్ని గమనించిన ఫైసల్ ఖాన్, సూరత్ నుంచి అక్రమంగా స్టెరాయిడ్ ఇంజెక్షన్లు తెప్పించి**, డ్రగ్ లైసెన్స్ లేకుండా, వైద్యుల ప్రిస్క్రిప్షన్ లేకుండానే అధిక ధరలకు విక్రయిస్తున్నట్లు విచారణలో వెల్లడైంది.
📍 అరెస్ట్ ఎక్కడంటే…
నమ్మదగిన సమాచారం మేరకు టాస్క్ ఫోర్స్ వెస్ట్ జోన్ బృందం అత్తాపూర్‌లోని ఏషియన్ థియేటర్ సమీపంలో నిందితుడిని పట్టుకుంది.
అతని వద్ద నుంచి
- స్టెరాయిడ్ ఇంజెక్షన్లు
- సిరింజీలు
- మొబైల్ ఫోన్‌ను స్వాధీనం చేసుకున్నారు.
🚨 ఆరోగ్యానికి పెను ప్రమాదం
ప్రిస్క్రిప్షన్ లేకుండా స్టెరాయిడ్లు వాడటం వల్ల
- కాలేయం, కిడ్నీలకు తీవ్ర నష్టం
- హార్మోన్ అసమతుల్యత
- వంధ్యత్వం
- మానసిక సమస్యలు
- మత్తుకు బానిసయ్యే ప్రమాదం
- తీవ్ర పరిస్థితుల్లో ప్రాణాపాయం కూడా ఉందని పోలీసులు హెచ్చరించారు.
🗣️ పోలీసుల హెచ్చరిక
“వేగంగా కండలు పెంచుకోవాలనే ఆలోచనతో ప్రాణాలను పణంగా పెట్టొద్దు.
ఫిట్‌నెస్‌కు క్రమశిక్షణ అవసరం — ప్రమాదకర షార్ట్‌కట్స్ కాదు” అని పోలీసులు యువతకు సూచించారు.
అక్రమంగా డ్రగ్స్, స్టెరాయిడ్లు విక్రయిస్తున్న వారిపై సమాచారం అందించాలని, ప్రజారోగ్యాన్ని కాపాడేందుకు పోలీసులకు సహకరించాలని హైదరాబాద్ సిటీ పోలీస్ కోరారు.
👉 **
