తెలంగాణ రాష్ట్రంలో ట్రాంజెండర్ లను ట్రాఫిక్ అసిస్టెంట్ గా నియమించి ఆరు నెలలు కావస్తున్న తరుణంలో రివ్యూ లో భాగంగా ఉన్నత స్థాయి సమావేశం డాక్టర్ బి.ఆర్ అంబేద్కర్ సెక్రటేరియట్ లో మంత్రి సీతక్క ముఖ్యఅతిథిగా మరియు ఉమెన్ అండ్ చైల్డ్ వెల్ఫేర్ డిపార్ట్మెంట్ సెక్రటరీ అనిత రామచంద్రన్ గారు హైదరాబాద్ కమిషనర్ సి పి ఆనంద్ సంచాలకులు బి శైలజ గారు వికలాంగుల వయోవృద్ధులు మరియు ట్రాంజెండర్ల సాధికారత శాఖ ఆధ్వర్యంలో ఉన్నత స్థాయి సమావేశం నిర్వహించడం జరిగింది.
సమావేశానికి తెలంగాణ రాష్ట్రంలోని ట్రాంజెండర్ వ్యక్తుల కోసం పనిచేస్తున్న వివిధ సంస్థలను ఆహ్వానించడం జరిగింది. ఈ రివ్యూలు భాగంగా ట్రాన్స్ జెండర్స్ ట్రాఫిక్ అసిస్టెంట్స్ విధులలో వారి యొక్క ప్రవర్తన మరియు గడచిన ఆరు నెలల పనితీరు పైన ఆయా జోన్లలో ఆఫీసర్స్ ఫీడ్ బ్యాక్ మరియు ట్రాఫిక్ అసిస్టెంట్స్ ఎదుర్కొంటున్న చిన్న చిన్న సమస్యల గురించి అడిగి తెలుసుకున్నారు. తదుపరి వీరి సేవలను కొనసాగించాలని నిర్ణయించారు. అదేవిధంగా ఎంతో ఆదర్శంగా నిలిచిన వీరి పనితీరుతో రాబోయే రోజులలో మరి కొంతమంది ట్రాన్స్ జెండర్ లకు పోలీస్ డిపార్ట్మెంట్ లోనే కాకుండా వివిధ డిపార్ట్మెంట్లలో నియమిస్తామని తెలిపారు.
