మరో ప్రతిష్టాత్మక టోర్నమెంట్ కు హైదరాబాద్ ఆతిథ్యం
మార్చి 8 నుండి మహిళల హాకీ వరల్డ్ క్వాలిఫైయింగ్ టోర్నమెంట్
మెగా ఈవెంట్ కు ఆదిత్యం ఇవ్వనున్న గచ్చిబౌలి హాకీ స్టేడియం
మహిళల హాకీ వరల్డ్ కప్ క్వాలిఫయర్స్ 2026కు ఆతిథ్యం ఇవ్వనున్న హైదరాబాద్
క్రీడా రంగంలో దేశంలోనే అత్యంత చురుకైన నగరంగా పేరుగాంచిన హైదరాబాద్ మరో ప్రతిష్టాత్మక అంతర్జాతీయ క్రీడా వేడుకకు వేదిక కానుంది. Fédération Internationale de Hockey (FIH) ఆధ్వర్యంలో నిర్వహించబడుతున్న మహిళల హాకీ వరల్డ్ కప్ క్వాలిఫయర్స్ 2026 టోర్నమెంట్ను తెలంగాణ ప్రభుత్వం ఘనంగా నిర్వహించడానికి అన్ని ఏర్పాట్లు పూర్తి చేసింది.
తెలంగాణ రాష్ట్ర ముఖ్యమంత్రి Revanth Reddy గారి దూరదృష్టి నాయకత్వంలో క్రీడాశాఖ ఆధ్వర్యంలో ఈ టోర్నమెంట్ను అత్యున్నత ప్రమాణాలతో నిర్వహించేందుకు సమగ్ర ప్రణాళిక రూపొందించబడింది.
ఈ పోటీలు మార్చి 8 నుండి 14, 2026 వరకు హైదరాబాద్లోని నూతనంగా పునర్నిర్మించబడిన Gachibowli Hockey Stadium లో జరుగనున్నాయి.
పాల్గొనే జట్లు
ఈ క్వాలిఫయర్స్లో మొత్తం ఎనిమిది దేశాల జట్లు పాల్గొంటున్నాయి:
భారత్
ఆస్ట్రియా
ఇంగ్లాండ్
ఇటలీ
కొరియా
స్కాట్లాండ్
ఉరుగ్వే
వేల్స్
ఈ టోర్నమెంట్ 2026 మహిళల హాకీ వరల్డ్ కప్కు అర్హత సాధించేందుకు కీలక పాత్ర పోషించనుంది.
అంతర్జాతీయ స్థాయి సౌకర్యాలు
Sports Authority of Telangana ఆధ్వర్యంలో ఎటువంటి లోపాలు లేకుండా అన్ని ఏర్పాట్లు పూర్తి చేయబడ్డాయి. స్టేడియంలో:
అంతర్జాతీయ ప్రమాణాల ఆస్ట్రో టర్ఫ్
ఆధునిక సదుపాయాలు
అత్యున్నత భద్రతా ఏర్పాట్లు
క్రీడాకారులు మరియు అధికారుల కోసం ప్రీమియం వసతి
అందుబాటులో ఉంచబడ్డాయి.
అలాగే Hockey India, Fédération Internationale de Hockey ప్రతినిధులతో పాటు రాష్ట్ర ప్రభుత్వంలోని పలు శాఖలతో సమన్వయం చేసుకుంటూ ఈ టోర్నమెంట్ను విజయవంతంగా నిర్వహించేందుకు చర్యలు తీసుకుంటున్నారు.
జట్ల రాక
భారత జట్టు, ఇంగ్లాండ్, స్కాట్లాండ్ మరియు ఉరుగ్వే జట్లు ఇప్పటికే హైదరాబాద్కు చేరుకున్నాయి. అన్ని జట్లకు అంతర్జాతీయ ప్రమాణాల వసతి మరియు ప్రపంచ స్థాయి సదుపాయాలు కల్పించబడ్డాయి.
తెలంగాణ సంస్కృతి పరిచయం
ఈ టోర్నమెంట్ సందర్భంగా నగరానికి విచ్చేసే క్రీడాకారులు మరియు అంతర్జాతీయ ప్రతినిధుల కోసం ప్రత్యేక వారసత్వ పర్యటనలు, వినోద కార్యక్రమాలు కూడా ఏర్పాటు చేయబడ్డాయి. తెలంగాణ సంస్కృతి, వారసత్వాన్ని పరిచయం చేయడం లక్ష్యంగా ఈ కార్యక్రమాలు రూపొందించబడ్డాయి.
క్రీడాాభివృద్ధికి తెలంగాణ కట్టుబాటు
రాష్ట్ర ప్రభుత్వం క్రీడల అభివృద్ధికి ఇస్తున్న ప్రాధాన్యత వలన తెలంగాణలో అనేక జాతీయ, అంతర్జాతీయ క్రీడా పోటీలు విజయవంతంగా నిర్వహించబడ్డాయి. మహిళల హాకీ వరల్డ్ కప్ క్వాలిఫయర్స్ 2026 నిర్వహణతో హైదరాబాద్ మరోసారి ప్రపంచ క్రీడా పటంలో తన స్థానాన్ని మరింత బలపరుచుకోనుంది.
ఈ సందర్భంగా అన్ని జట్లు, అధికారులు, అభిమానులను తెలంగాణ ప్రభుత్వం హృదయపూర్వకంగా స్వాగతిస్తోంది.
