కిట్స్ వరంగల్‌లో ‘సంస్కృతి–26’ పోస్టర్ ఆవిష్కరణ

వరంగల్: కాకతీయ ఇన్‌స్టిట్యూట్ ఆఫ్ టెక్నాలజీ అండ్ సైన్స్ (కిట్స్), వరంగల్‌లోని స్టూడెంట్ యాక్టివిటీ సెంటర్ (SAC) ఆధ్వర్యంలో జాతీయ స్థాయి విద్యార్థి సాంస్కృతిక ఉత్సవం “సంస్కృతి–26”ను 2026 మార్చి 6, 7 తేదీల్లో నిర్వహించనున్నట్లు ప్రిన్సిపాల్ ప్రొఫెసర్ కె. అశోక రెడ్డి తెలిపారు.

క్యాంపస్‌లోని అడ్మినిస్ట్రేటివ్ బ్లాక్‌లో “సంస్కృతి–26” పోస్టర్‌ను ప్రిన్సిపాల్ ప్రొఫెసర్ కె. అశోక రెడ్డి ఆవిష్కరించారు. ఈ కార్యక్రమంలో డీన్ ఆఫ్ స్టూడెంట్ అఫైర్స్ ప్రొఫెసర్ కె. శ్రీధర్, అధ్యాపకులు మరియు విద్యార్థి ప్రతినిధులు పాల్గొన్నారు.

ఈ సందర్భంగా ప్రిన్సిపాల్ మాట్లాడుతూ, ఈ సాంస్కృతిక ఉత్సవం విద్యార్థులకు ఒత్తిడిని తగ్గించుకునే అవకాశం కల్పించడమే లక్ష్యమని తెలిపారు. ఈ కార్యక్రమం ద్వారా నాయకత్వ లక్షణాలు మరియు ఇతర నైపుణ్యాలు అభివృద్ధి చెందుతాయని చెప్పారు. విద్యార్థులు క్రమశిక్షణ పాటిస్తూ, సమన్వయంతో పాల్గొని కార్యక్రమాన్ని విజయవంతం చేయాలని సూచించారు.

మాజీ రాజ్యసభ సభ్యుడు మరియు కిట్స్ చైర్మన్ కెప్టెన్ వి. లక్ష్మీకాంతరావు,కోశాధికారి పి. నారాయణ రెడ్డి, హుస్నాబాద్ మాజీ ఎమ్మెల్యే మరియు కిట్స్ అదనపు కార్యదర్శి వొడితల సతీష్ కుమార్ ఈ కార్యక్రమం విజయవంతం కావాలని శుభాకాంక్షలు తెలిపారు.

ఈ పోస్టర్ ఆవిష్కరణ కార్యక్రమంలో చీఫ్ పేట్రన్ మరియు ప్రిన్సిపాల్ ప్రొఫెసర్ కె. అశోక రెడ్డి, డీన్ ప్రొఫెసర్ కె. శ్రీధర్, MED విభాగం ప్రొఫెసర్, అన్ని డీన్లు, విభాగాధిపతులు, ఈఈఈ విభాగాధిపతి డాక్టర్ ఎం. నరసింహరావు, కెమిస్ట్రీ అసోసియేట్ ప్రొఫెసర్ డాక్టర్ డి. ప్రభాకరాచారి, ఫ్యాకల్టీ ఇన్‌చార్జ్‌లు డాక్టర్ పి.ఎస్.ఎస్. మూర్తి, డాక్టర్ టి. శిరీష, ఎంఢీఎఫ్ క్లబ్ అధ్యక్షురాలు ఎన్. సమ్హిత, ఉపాధ్యక్షురాలు పి. శ్రీలస్య, సంస్కృతి–26 విద్యార్థి ప్రతినిధులు, పీఎంసీ క్లబ్ అధ్యక్షుడు జి. సాయి సుమంత్, కె. సాయి ధనుష్ రెడ్డి, పోస్టర్ డిజైనర్ సాయి సాత్విక్, వైష్ణవి, డిస్కో క్లబ్ సభ్యులు, ఎస్‌ఏసీ సభ్యులు మరియు విద్యార్థులు పాల్గొన్నారు.