ఎల్కతుర్తి, ఆగస్టు 15: స్వాతంత్ర్య దినోత్సవాన్ని పురస్కరించుకుని ఎల్కతుర్తి మండలంలో పదో తరగతి, ఐదో తరగతిలో ప్రతిభ కనబరిచిన విద్యార్థులతో పాటు ఉన్నత విద్య అభ్యసిస్తున్న నిరుపేద, ప్రతిభావంతులైన విద్యార్థులకు స్కాలర్షిప్లు అందజేశారు.
పొన్నాల వెంకటలక్ష్మి ఎర్రగట్టు స్మారక సదనం ఆధ్వర్యంలో రిటైర్డ్ చీఫ్ ఇంజనీర్ పొన్నాల రామయ్య ఈ కార్యక్రమాన్ని నిర్వహించారు. ఎల్కతుర్తి మండలంలో పదో తరగతిలో ప్రథమ స్థానంలో నిలిచిన ఇద్దరు విద్యార్థులకు, కస్తూర్బా గాంధీ బాలికల విద్యాలయం (KGBV), ఎల్కతుర్తి నుంచి ఇద్దరు టాపర్లకు స్కాలర్షిప్లు అందించారు.
అలాగే కేశవాపూర్ ZPHSలో పదో తరగతిలో ప్రథమ, ద్వితీయ స్థానాలు సాధించిన విద్యార్థులకు, కేశవాపూర్ గ్రామంలోని రెండు ప్రాథమిక పాఠశాలల్లో ఐదో తరగతిలో ప్రథమ, ద్వితీయ స్థానాల్లో నిలిచిన విద్యార్థులకు ప్రోత్సాహక నగదు అందజేశారు. ధర్మసాగర్ ZPHS (బాలుర) పాఠశాలలో SSC-2026లో ప్రథమ, ద్వితీయ స్థానాలు సాధించిన విద్యార్థులకు కూడా స్కాలర్షిప్లు ఇచ్చారు.
ఇవే కాకుండా B.Tech, MD, MBBS చదువుతున్న నిరుపేద, ప్రతిభావంతులైన విద్యార్థులకు కూడా ఆర్థిక సహాయం అందించారు. ఈ కార్యక్రమంలో మొత్తం రూ.1,74,000 విలువైన స్కాలర్షిప్లు ప్రదానం చేశారు.
ఈ సందర్భంగా గ్రామ పెద్దలు, విద్యాభిమానులు పాల్గొని విద్యార్థులను అభినందించి ఆశీర్వదించారు. విద్యార్థుల ఉన్నత విద్యకు సహకరించడం, ప్రతిభను ప్రోత్సహించడం లక్ష్యంగా ఈ కార్యక్రమాన్ని నిర్వహించినట్లు నిర్వాహకులు డా. పొన్నాల రామయ్య, CE (రిటైర్డ్), కేశవాపూర్ తెలిపారు.
–
