తీవ్రాతి తీవ్రమైన లైంగిక నేరారోరణలు ఎదుర్కున్న మెరికన్ బిలియనీర్, లైంగిక నేరస్థుడైన జెఫ్రీ ఎప్స్టీన్ తన స్వంత డిఎన్ఏను వ్యాప్తి చేయాలని ప్రత్యేకంగా మానవ జాతిని సృష్టించాలని క్రూరమైన ప్రణాళిక సిద్దం చేసుకున్న రహస్యం బయటపడి ప్రపంచం నివ్వెరపోయింది.
ఆయన తన సొంత జన్యువులతో ‘సూపర్ రేస్’ లేదా అన్సానివిధాలామర్థ్యం కలిగిన మానవ జాతిని సృష్టించాలని లక్ష్యంగా పెట్టుకున్నాడని నివేదికలు సూచిస్తున్నాయి.
వాషింగ్టన్: జెఫ్రీ ఎప్స్టీన్, లైంగిక చర్యలు మైనర్లతో లైంగిక వేధింపులకు సంబంధించిన ఆరోపణలతో 2019లో మరణించిన బిలియనీర్, తన భారీ సంపదను ఉపయోగించి అసాధారణమైన, వివాదాస్పద ఆలోచనలను ప్రోత్సహించాడు. న్యూ యార్క్ టైమ్స్ వంటి ప్రముఖ మీడియా సంస్థలు 2019లోనే బయటపెట్టిన వివరాల ప్రకారం, ఎప్స్టీన్ తన డిఎన్ఏను వ్యాప్తి చేసి మానవ జాతిని ‘మెరుగుపరచాలని’ కలలు కన్నాడు. దీని కోసం న్యూ మెక్సికోలోని సాంటా ఫే సమీపంలోని తన ‘జోరో రాంచ్’ అనే 33,000 చదరపు అడుగుల విస్తీర్ణంలోని విలాసవంతమైన ఆస్తిని ఉపయోగించాలని ప్లాన్ చేశాడు.
ఈ ప్రణాళిక ప్రకారం, ఒకేసారి 20 మంది మహిళలను ఆ రాంచ్లో ఉంచి, తన స్పెర్మ్తో వారిని గర్భవతులను చేసి, తన జన్యువులతో బిడ్డలను కనిపించాలని ఆయన భావించాడు. ఇది ఒక ‘బేబీ రాంచ్’ లాంటిదిగా వర్ణించబడింది. ఈ ఆలోచనను ఆయన 2000ల నుంచి పలువురు ప్రముఖ శాస్త్రవేత్తలు, వ్యాపారవేత్తలతో పంచుకున్నాడు. చాలామంది దీన్ని ‘అర్ధసత్యమైన’ లేదా అసంబద్ధమైన ఆలోచనగా తిరస్కరించారు. అయితే, ఈ ప్రణాళిక ఎప్పుడూ అమలులోకి రాలేదని, ఎలాంటి ఆధారాలూ లేవని నివేదికలు స్పష్టం చేస్తున్నాయి.
ఎప్స్టీన్ ఈ ఆలోచనకు ప్రేరణ పొందినది ‘రిపోజిటరీ ఫర్ జెర్మినల్ చాయిస్’ అనే పాత స్పెర్మ్ బ్యాంక్ నుండి. ఇది 1980లలో నోబెల్ బహుమతి విజేతల స్పెర్మ్ను సేకరించి, మానవ జన్యువులను మెరుగుపరచాలనే ఉద్దేశంతో నడిచిన సంస్థ. ఎప్స్టీన్ దీన్ని తన ప్రణాళికకు మోడల్గా తీసుకున్నాడని తెలుస్తోంది.
ఆయన ఆసక్తి కేవలం ఇందుకే పరిమితం కాదు. ట్రాన్స్హ్యూమనిజం (మానవ సామర్థ్యాలను సాంకేతికత ద్వారా పెంచడం) అనే భావజాలంపై ఆయనకు తీవ్ర ఆసక్తి ఉండేది. జన్యు ఇంజినీరింగ్, ఆర్టిఫిషియల్ ఇంటెలిజెన్స్ వంటి సాంకేతికతలతో మానవ జాతిని అభివృద్ధి చేయాలని భావించాడు. ఇది యూజెనిక్స్ (నియంత్రిత జననాల ద్వారా మానవ జాతిని మెరుగుపరచడం)కు సమకాలీన రూపంగా విమర్శకులు చెబుతారు. ఆయన పేద దేశాల్లో ఆకలి, ఆరోగ్య సమస్యలకు సహాయం చేయడాన్ని వ్యతిరేకించాడు. జనాభా పెరుగుదలను అరికట్టడానికి అలాంటి సహాయాలు ఆపాలని వాదించాడు. మరణం తర్వాత తన శరీర భాగాలను (మెదడు, జననాంగాలు) క్రయోజెనిక్గా స్తంభింపజేయాలని కూడా కోరుకున్నాడు.
ఎప్స్టీన్ ప్రముఖ శాస్త్రవేత్తలను ఆకర్షించడంలో విజయవంతమయ్యాడు. స్టీఫెన్ హాకింగ్ వంటి వారిని తన విందులకు, చర్చలకు ఆహ్వానించాడు. హార్వర్డ్ విశ్వవిద్యాలయానికి మిలియన్ల డాలర్లు దానం చేశాడు. అయితే, ఆయన ఆలోచనలను చాలామంది శాస్త్రవేత్తలు తీవ్రంగా వ్యతిరేకించారు.
ఎప్స్టీన్కు పిల్లలు ఉన్నారా అనే విషయంపై ఇప్పటికీ అధికారిక నిర్ధారణ లేదు. ఆయన వీలునామాలో పిల్లల గురించి ఎలాంటి ప్రస్తావన లేదు. ఆస్తి ఎక్కువ భాగం తన స్నేహితురాలు కరీనా షులియాక్కు కేటాయించాడు. ఇటీవల విడుదలైన కొన్ని డాక్యుమెంట్లలో ఆయనకు బిడ్డ ఉందనే ఊహాగానాలు రాగా, ఆయన సోదరుడు మార్క్ ఎప్స్టీన్ దాన్ని ఖండించాడు. “జెఫ్రీకి పిల్లలు ఎవరూ లేరు” అని స్పష్టం చేశాడు.
ఈ వివాదాస్పద ప్రణాళికలు ఎప్స్టీన్ లైంగిక నేరాలు, శక్తివంతులతో సంబంధాలు వంటి అంశాలతో కలిసి మానవత్వానికి వ్యతిరేకమైన ఆలోచనలను బయటపెడుతున్నాయి.
