భూతల స్వర్గమా ఆ దేశంలో అసలు పేదరిక మంటూలేదా? వాస్తవాలు ఏమిటి ?
ఏదేశమైనా బయటికి కనిపించినంతగా చెప్పుకున్నంతగా ఉండదు….ఉండకపోవచ్చు. సంపన్న దేశంగా పేరుపొందిన అమెరికాకు డాలర్లవేటలో వలసలు వెళ్లిన వారు భూతల స్వర్గంగా చెబుతుంటారు. కాని వాస్తవాలు భిన్నంగా ఉంటాయి. ఈ విషయం అమెరికా మీద బురద చిమ్మేందుకు చేసే ప్రయత్నంకాదు. అక్కడి గణాంకాలే పేదరికం గురించి చెబుతున్నాయి.
ప్రపంచవ్యాప్తంగా అమెరికాను ‘భూతల స్వర్గం’గా చిత్రీకరించి ఎంతగాగొప్పలు చెప్పుకున్నా అక్కడా పేదరికం ఉంది.
అత్యధిక వనరులు కలిగిని భూభాగంగా ఆర్థిక శక్తిగా నిలిచి అనేక ఆవిష్కరణలతో అగ్ర దేశంగా ప్రసిద్ధి చెందిన అమెరికాలో పేదరికం లేదనే సమర్దనీయతను ఇటీవలి డేటా తోసిపుచ్చుతోంది.
2023లో అమెరికాలో అధికారిక పేదరిక రేటు 11.1 శాతంగా నమోదైంది, ఆ దేశంలో దాదాపు 3.68 కోట్ల మంది పేదరికంలో మగ్గుతున్నారు. ఇది 2022తో పోలిస్తే 0.4 శాతం తగ్గినప్పటికీ, దేశంలో పేదరికం పూర్తిగా లేదని చెప్పలేము. అమెరికా ఆర్థికంగా బలమైన దేశమే అయినప్పటికీ, అసమానతలు, గ్రామీణ ప్రాంతాల్లో సమస్యలు పేదరికానికి కారణాలుగా విశ్లేషిస్తున్నారు.
యునైటెడ్ స్టేట్స్ సెన్సస్ బ్యూరో డేటా ప్రకారం, 2023లో అమెరికా సగటు పేదరిక రేటు 12.5 శాతంగా ఉంది, దాదాపు 4.07 కోట్ల మంది పేదరిక రేఖకు దిగువన ఉన్నారు. ఇది ప్రపంచంలోని ఇతర ధనిక దేశాలతో పోలిస్తే ఎక్కువే.
ముఖ్యంగా పిల్లల పేదరికం 20.9 శాతంగా ఉండటం ఆందోళనకరం, ఇది అభివృద్ధి చెందిన దేశాల సగటు 11.7 శాతం కంటే ఎక్కువ. 2025 పేదరిక మార్గదర్శకాల ప్రకారం, ఒక వ్యక్తి ఆదాయం సంవత్సరానికి $15,060 కంటే తక్కువ ఉంటే పేదరికంగా పరిగణిస్తారు.
గ్రామీణ ప్రాంతాల్లో పేదరికం ఎక్కువగా ఉంది. 2019 డేటా ప్రకారం, గ్రామీణ (నాన్-మెట్రో) పేదరిక రేటు 15.4 శాతం, నగర (మెట్రో) రేటు 11.9 శాతం. 2020లో ఇది 14.1 శాతం (గ్రామీణ) మరియు 11 శాతం (నగర)గా ఉంది. నలుపు మరియు స్థానిక అమెరికన్ సముదాయాల్లో పేదరికం 30 శాతం పైగా ఉంది.
ఏ ప్రాంతాల్లో పేదరికం ఎక్కువ?
FILE PHOTOఅమెరికాలో పేదరికం అంతటా ఒకేతీరులోలేదు. వలసల దేశంలో బ్లాక్స్,వైట్స్ కంటే స్థానికంగా ఉన్న నేటివ్ అమెరికన్స్ ఎక్కవుగా పేదరికంలో ఉన్నారని అధ్యయనాలు తేల్చాయి.
మిస్సిసిప్పి డెల్టా, అప్పలాచియా పర్వత ప్రాంతాలు, నేటివ్ అమెరికన్ రిజర్వేషన్లు, నైరుతి మరియు ఉత్తర మిడ్‌వెస్ట్ గ్రామీణ ప్రాంతాల్లో తీవ్ర పేదరికం ఉంది. దక్షిణాది రాష్ట్రాల్లో 19.7 శాతం గ్రామీణ పేదరికం ఉంది.
2023 డేటా ప్రకారం, అత్యధిక పేదరిక రేటు ఉన్న టాప్ 10 రాష్ట్రాలు/ప్రాంతాలు:
1. ప్యూర్టో రికో: 39.6%
2. లూసియానా: 18.9%
3. మిస్సిసిప్పి: 18.0%
4. న్యూ మెక్సికో: 17.8%
5. వెస్ట్ వర్జీనియా: 16.7%
6. కెంటకీ: 16.4%
7. ఓక్లహోమా: 15.9%
8. ఆర్కాన్సాస్: 15.7%
9. అలబామా: 15.6%
10. న్యూయార్క్: 14.2%
ఇవి ఎక్కువగా దక్షిణ మరియు అప్పలాచియా ప్రాంతాల్లో ఉన్నాయి, ఇక్కడ పరిశ్రమల మూతపడి పోవడం, ఉపాధి అవకాశాలు తగ్గడం అట్లాగే విద్యా అవకాశాలులేకపోవడం, జాతి అసమానతలు ప్రధాన కారణాలుగా చెబుతున్నారు.
స్వర్గమా లేక సవాళ్ల దేశమా?
అమెరికా అవకాశాల దేశమే కానీ, పేదరికం, అసమానతలు ఈ డాలర్ కు ఆవలివైపు మరో చీకటి కోణం ఉందనేది ఎవరూ పట్టించుకోని అంశం. పేదరిక నిర్మూలనకు ప్రభుత్వ అభివృద్ది కార్యక్రమాలు అనేకం జరగాలి. సామాజిక సంక్షేమం ద్వారా పేదరికాన్ని తగ్గించే ప్రయత్నాలు ఎక్కువగా చేపట్టాలి.
భూప్రపంచంలో అసలు ‘భూతల స్వర్గం’ అనేది మిథ్య. ఎక్కడైనా ఏ ప్రాంతంలో అయినా సంపన్న వర్గాల పక్కనే పేదరికం కూడ ఉంటుంది. అది ఏస్థాయిలో ఉన్నా అందుకు అక్కడి పాలక ప్రభువులు వారి పరిపాలనా విధానాలే కారణంగా చెప్పక తప్పదు.
జీడీపీ పరంగా ప్రపంచంలోనే అత్యంత ధనవంతమైన దేశం అయిన అమెరికా, పేదరిక సమస్యను ఇంకా ఎదుర్కొంటూనే ఉంది. ప్రస్తుతం సుమారు 3.79 కోట్లు అమెరికన్లు—అంటే మొత్తం జనాభాలో 11.6% మంది—పేదరిక రేఖ కింద జీవిస్తున్నారు. గతంలో పేదరికం తగ్గినప్పటికీ, కోవిడ్-19 మహమ్మారి ఇప్పటికే ఉన్న అసమానతలను మరింతగా పెంచి, మరిన్ని మందిని పేదరికంలోకి నెట్టింది. ఆదాయ అసమానత, బలమైన సామాజిక భద్రతా వ్యవస్థల లేమి, పెరుగుతున్న జీవన వ్యయం—all ఇవే ప్రధాన కారణాలు.
అమెరికాలో పేదరికానికి ప్రధాన కారణాలు:
సామాజిక భద్రతా వ్యవస్థలు: ప్రభుత్వ సహాయం పరిమితంగానే ఉండడం వల్ల, ఇబ్బందుల్లో ఉన్న కుటుంబాలకు తగినంత తోడ్పాటు లభించడం లేదు.
స్థాయి (Magnitude): దేశ జనాభాలో 11.6% మంది, అంటే 3.79 కోట్లు, పేదరికంలో ఉన్నారు.
ఆర్థిక అసమానత: ధనవంతులు–పేదల మధ్య వ్యత్యాసం ఎక్కువ. టాప్ 10% ఆదాయం, బాటమ్ 10% కంటే ఎన్నో రెట్లు ఎక్కువ.
పెరుగుతున్న జీవన వ్యయం: ఇల్లు అద్దెలు, ద్రవ్యోల్బణం వంటి కారణాలు తక్కువ ఆదాయం కలిగిన కుటుంబాలపై భారంగా మారాయి, ప్రాథమిక అవసరాలు కూడా కొనలేని పరిస్థితి.
