ఎటూరునాగారం విద్యార్థి విశాల్ సాయికి రెండు వేదికలపై ఘనంగా సన్మానం
ఏటూరునాగారం, మే 18: జాతీయ స్థాయి కరాటే క్రీడాకారుడు, విద్యార్థి వసంత విశాల్ సాయిని ములుగు జిల్లాలో నిర్వహించిన రెండు కార్యక్రమాల్లో సన్మానించారు.
క్రీడల్లో సాధించిన ప్రతిభకు గాను జిల్లా స్థాయి ప్రభుత్వ కార్యక్రమంతో పాటు సంజోష్ ఫౌండేషన్ నిర్వహించిన కార్యక్రమంలో కూడా ఆయనకు సన్మానం లభించింది.
99 రోజుల ప్రజాపాలన – ప్రగతి ప్రణాళిక విద్యా వారోత్సవాల్లో భాగంగా ములుగు జిల్లా కలెక్టరేట్ సమావేశ మందిరంలో విద్యా విజయోత్సవం కార్యక్రమాన్ని జిల్లా విద్యాశాఖ నిర్వహించింది. ఈ కార్యక్రమానికి రాష్ట్ర మంత్రి Danasari Seethakka ముఖ్య అతిథిగా హాజరయ్యారు.
క్రీడల్లో ప్రతిభ కనబరిచిన విద్యార్థులకు పాఠశాల విద్యాశాఖ తరఫున ప్రశంసాపత్రాలు, రూ.10 వేల నగదు ప్రోత్సాహకాలను అందజేశారు. పదో తరగతి, ఇంటర్లో ప్రతిభ కనబరిచిన విద్యార్థులకు ల్యాప్టాప్లు పంపిణీ చేశారు.
ఈ సందర్భంగా ఏటూరునాగారానికి చెందిన కరాటే క్రీడాకారుడు వసంత విశాల్ సాయిని మంత్రి సీతక్క శాలువాతో సన్మానించి ప్రశంసాపత్రం, నగదు బహుమతి అందజేశారు.
మరోవైపు సోమవారం ఏటూరునాగారం జెడ్పీహెచ్ఎస్లో హీరో సంజోష్, సంజోష్ ఫౌండేషన్ ఆధ్వర్యంలో స్కాలర్షిప్ల పంపిణీ కార్యక్రమం నిర్వహించారు. సినీ నటుడు Sampoornesh Babu, ఏటూరునాగారం ఏఎస్పీ మనన్ భట్, హైకోర్టు న్యాయవాది నాగేశ్వరరావు ముఖ్య అతిథులుగా పాల్గొన్నారు.
ఈ కార్యక్రమంలో కూడా విశాల్ సాయిని అతిథులు శాలువాతో సన్మానించారు. సంజోష్ ఫౌండేషన్ తరఫున హీరో సంజోష్ రూ.5 వేల నగదు బహుమతిని అందజేసి భవిష్యత్తులో మరిన్ని విజయాలు సాధించాలని ఆకాంక్షించారు.
ఈ కార్యక్రమాల్లో జిల్లా విద్యాధికారి ఏ. సిద్ధార్థరెడ్డి, సీఐ అనుముల శ్రీనివాస్, ఏఎంఓ శ్యాంసుందర్ రెడ్డి, ఎంఈఓ కొయ్యడ మల్లయ్య, ప్రజాప్రతినిధులు, ఉపాధ్యాయులు, విద్యార్థులు, తల్లిదండ్రులు పాల్గొన్నారు.
