మహిళతో సహ ముగ్గురు దోపిడి దొంగలు అరెస్ట్

 

*మహిళతో సహ ముగ్గురు దోపిడి దొంగలు అరెస్ట్*

*దారుణంగా గాయపర్చి దోపిడి లకు పాల్పడుతున్న ఒక మహిళతో సహ ముగ్గురు నిందితులను హనుమకొండ పోలీసులు బుధవారం అరెస్ట్ చేశారు . వీరి నుండి పోలీసులు తొమ్మది వందల నగదు , ఒక సెల్ ఫోన్ ను పోలీసులు స్వాధీనమం చేసుకున్నారు .* 

పోలీసులు అరెస్టు చేసిన వారిలో 1)  జన్ను రాజ్ కుమార్, వయస్సు:23 సంవత్సారాలు, లష్కర్ సింగారం, 2) కట్కురి యాకుబ్ వయస్సు: 30 సంవత్సారాలు, పోచమ్మ    మైదాన్, వరంగల్ ,3)కట్కురి రేణుక, వయస్సు:22, పోచమ్మ    మైదాన్, వరంగల్ కు చెందిన వారిగా గుర్తించడం జరిగింది .

 

ఈ అరెస్ట్ సంబంధించి హనుమకొండ ఏసీపీ దేవేందర్ రెడ్డి వివరాలను వెల్లడిస్తూ దేవన్నపేట ప్రాంతానికి చెందిన బాధితుడు గడిచిన సెప్టెంబర్ ముప్పై వ తారీకున మధ్యాహ్న సమయంలో దేవన్నపేట కు వెళ్లేందుకు కిరాయి ఆటో కోసం  గోపాల్ పూర్ క్రాస్ రోడ్డు వద్ద ఆగివుండగా  నిందితులు ముగ్గురు ఒక్కసారిగా వెనుక నుండి వచ్చి బాధితుడుని తీవ్రంగా కొట్టి గుర్తు తెలియని ఆటోలో పోచమ్మ కుంట శ్మశాన వాటిక వద్దకు తీసుకపోయి అక్కడ బాధితుడుని  నిందితులు మరో మారు తీవ్రంగా కొట్టి  అతని వద్ద వున్న పదివేల రూపాయలు , ఒక సెల్ ఫోన్ ను దోచుకోవడంతోపాటు బాధితుడి గూగుల్ పే నుండి మరో వెయ్యి రూపాయల నిందితులు తమ ఖాతాలోకి డబ్బులను బదిలీ చేయించుకున్నారు.  అనంతరం నిందితులు ముగ్గురు  అక్కడి నుండి తప్పించుకునిపోయారు .  బాధితుడు హనుమకొండ కొండ పోలీసు స్టేషన్ లో ఇచ్చిన ఫిర్యాదుపై కేసు నమోదు చేసుకున్న పోలీసులు  ప్రత్యేక  బృందాలను ఏర్పాటు చేసి దర్యాప్తు నిందితులను గుర్తించిన పోలీసులు ఈ రోజు ఉదయం  హనుమకొండ బస్ స్టాండ్ లో అరెస్టు చేశారు. నిందితులను పట్టుకోవడంలో ప్రతిభ కబరిచిన హనుమకొండ ఇన్స్ స్పెక్టర్ సతీష్ ,  ఎస్. ఐ సతీష్ , హెడ్ కానిస్టేబుల్ రాహూఫ్ , కానిస్టేబుల్ గౌస్ పాషా ను ఏసీపీ అభినందించారు