నవ్వుకోండి... 50 ప్లస్ నిండిన మేము రెండు తరాలకు సాక్షులం...

 

వాట్సాప్ వైరల్ 

సరదాగా చదివి ఆనందించి...

నవ్వుకోండి... 50+ సంవత్సరాలు నిండిన మేము రెండు తరాలకు సాక్షులం...

స్వచ్చమైన గాలి, నీళ్ళు, పచ్చటి పొలాలు...

పరిశుభ్రమైన వాతావరణం లో పుట్టి పెరిగిన వాళ్ళం... తలపై నుండి చెంపల మీదకు కారిపోయేలా నూనె రాసుకుని... చేతికి పుస్తకాల సంచి తగిలించుకుని...

ఒక్కడిగా బయలుదేరి దారిలో స్నేహితులను

ఒక్కొక్కళ్లను కలుస్తూ పెద్దగుంపుగా... కిలోమీటర్ల దూరంలో ఉన్న బడికి కాళ్లకు చెప్పులు లేకుండా నడచి వెళ్ళిన తరం వాళ్ళం...🚶

జారిపోయే నిక్కరు మీదకు మొలతాడు లాక్కుంటూ... చిరుగు బొక్కలకు గుడ్డ ముక్కలు అతుకులేయించుకున్న వాళ్ళం..

10 వ తరగతి అయ్యే వరకు నిక్కరు వేసుకున్న...తరం మాదే... పదవ తరగతిలో మాత్రమే పది రూపాయలు అది కూడా పరీక్ష ఫీజు చెల్లించిన వాళ్ళం మేమే...

గోలీలు,

బొంగరాలు,

కర్రా బిళ్ళ, కోతి కొమ్మ గంటల తరబడి కబడ్డీ ఆడిన తరం మాది!!

బడికి వేసవి కాలం సెలవులు రాగానే గంటల తరబడి బావిలో ఈత ఒకరిని ఒకరు ముంచుకొనుడు నేరేడు చెట్లు... సీమ తుమ్మ చెట్లూ...ఈతచెట్లు ఎక్కి కాయలు కోసుకొని తిన్న వాళ్ళం, చెరువులు, కాలవల్లోఎండ్రకాయలు, చేపలు పట్టి... వొంకల్లో, వాగుల్లో స్నానాలు చేసిన వాళ్ళం...మేమే!!

దీపావళి కి రెండు మూడు పైసలకు ఒక్కొక్క టపాకాయ కొట్టి ఆ తర్వాత ఉన్నవాళ్లు కొడుతుంటే చూసిన వాళ్ళము!!

 వర్షం వస్తే యూరియా సంచులు, కప్పుకుని బడికి వెళ్ళిన వాళ్ళం!!

second hand text books కోసం పరీక్షలు అయినప్పటి నుండి ముందు తరగతి వాళ్ళని బతిమాలిన తరం...మాది!!

సెకెండ్ హ్యాండ్ సైకిల్ తో పక్క తొక్కుడుతో సైకిల్ నేర్చుకున్నోల్లo మేమే!!

ఉత్తరాలు రాసుకున్న...అందుకున్న తరంవాళ్ళం!!

పండగ సెలవులు,వేసవి సెలవులు,దసరా,సంక్రాంతి సెలవులు ఎన్ని సెలవులు వొచ్చినా ఐదు పైసలు ఖర్చులేకుండా ఆటపాటలతో ఆనందాన్ని... అనుభవించిన తరం వాళ్ళం... మేము!!

పెద్దలు, పిల్లలూ అందరం వీధి అరుగుల మీద కూర్చుని ఎన్నో సాయంత్రాలు,రాత్రులు ఆనందంగా కబుర్లు చెప్పుకుని...పొట్ట చెక్కలయ్యేలా

నవ్వుకున్నదీ మేమే!!

ఊర్లో...ఎవరి ఇంట్లో ఏ వేడుక జరిగినా... మన ఇంట్లో జరిగినట్లు... అంతా మాదే... అంతామేమే అన్నట్లుగా భావించి స్వచ్చందంగా... నిస్వార్థంగా... పాలుపంచుకున్న తరం మాదే!!

చుట్టాలు వస్తేనే అమ్మ కోడి కూర...వండి పెట్టిన తరం!!

అత్తయ్యా,

మామయ్య,పిన్ని,బాబాయ్,అక్కా,బావ అంటూ ఆప్యాయంగా పిలుచుకున్న తరం,

స్కూలు మాష్టారు కనపడితే భయంతో పక్కనున్న సందుల్లోకి పారిపోయిన తరం!!

కట్టెల పొయ్యి మీద వండిన అన్నం,కూర తిన్నవాళ్ళం ఉడుకుతున్నప్పడు వచ్చే అద్బుతమైన పరిమళాన్ని ఆస్వాదించిన తరం వాళ్ళం... మేం!!

తాతయ్యలు,అమ్మమ్మ,నాయనమ్మ,,అమ్మా,నాన్నా,పెదనాన్న,పెద్దమ్మ, పిన్ని బాబాయ్,అత్తయ్య మామయ్య,అక్కలు,చెల్లెళ్లు,అన్నయ్యలు,తమ్ముళ్లు అందరం ఒకే దగ్గర చేరి మధురమైన అనుభూతితో కూర్చుని అన్నం...తిన్న తరం మా దే!!

అమ్మమ్మలు,నాయమ్మల చేత గోరుముద్దలు తిన్నది,అనగనగా ఒక రాజు...కథలు విన్నది మేమే!!

నూనె పిండితో నలుగు పెట్టించుకుని కుంకుడు కాయ పులుసుతో తలంటు స్నానం చేయించు కున్న తరం!!

రేడియో,

దూరదర్శన్

టూరింగ్ టాకీస్.. కాలం చూచిన వాళ్ళం!!

40 పైసల నేల టిక్కెట్ తో నేల మీద కూర్చుని...

1.00 chair టిక్కెట్ తో chair లో కూర్చుని సినిమా చూసిందీ మేమే!!

స్కూల్ ,కాలేజీ రోజుల్లోనే ఎలక్షన్లు చూచిన వాళ్ళం!!

అమ్మా,నాన్నా తో సంవత్సరానికి ఒక సారి, పరీక్ష పాస్ అయ్యావా... అని మాత్రమే అడిగించు కున్న తరం వాళ్ళం!!

చదువులు తక్కువైనా సాంప్రదాయం సంస్కారాన్ని చూసిన వాళ్ళము. చదువులు ఎక్కువ సంస్కారం తక్కువ ఉన్నవాళ్లను చూసిన వాళ్లము!!

ప్రస్తుతం ఉన్న Whatsapp, Fb, skype లు మీతో పాటు సమానంగా వాడేస్తున్న మాతరం..

మేమే ఆ తరానికి ఈ తరానికి మధ్యవర్తులం

మేమే!!

అవును...రెండు తరాల మద్యలో జరిగిన అనూహ్యమైన మార్పులకు మేమే సాక్షులం!!

అప్పటి గుండె లోతుల్లో నుంచి వచ్చిన ప్రేమని చూసిన వాళ్ళం...

ఇప్పుడు గుండీల పైనుంచి వచ్చే ప్రేమని 

చూస్తున్న వాళ్ళం... మేమే!!

 అప్పుడు ఊర్లో ఒకరిద్దరికి మాత్రమే బీబీ షుగర్ చుసిన వాళ్ళము ఇప్పుడు ఇంటింటికి బీపీ షుగర్ ఉన్న వాళ్ళని చూస్తున్న వాళ్ళము...మేమే!!

ఒక విధంగా చెప్పాలంటే మేం చాలా అదృష్టవంతులం...👍

 *ప్రియమైన వారు సరదాగా చదివి ఆనందించి నవ్వుకోండి*...🙏