*మోక్ష"మే రక్ష..!
నీటిని నిల్వ ఉంచే
ఎన్నో ప్రాజెక్టులకు
ఆయన మేధస్సుతో _*మోక్షం*_..
అలా భూమి *_అగ్ని"గుండం"_*
కాకుండా చేయి అడ్డుపెట్టిన
ఆయన యశస్సు అక్షయం..
గంగను భువికి తెచ్చిన భగీరథుడు..
ఆ గంగనే నెత్తిన దాల్చిన విశ్వేశ్వరయ్య..
ఆ ఇద్దరూ ఒక్కరై..
అవ"తరించిన"
మన *_విశ్వేశ్వరయ్య..!_*
జీవిత పర్యంతం
జలమే బలమై
ఆ జలమే జీవమై..
జలానికి తానే జవమై..
సాగిన మోక్షగుండం జైత్రయాత్ర..
ఇంజనీరుగా..విద్యావేత్తగా
ఆయన బహుపాత్ర..
బహుమతిగా భారతరత్న!
ఎక్కడ పుట్టి
ఎక్కడికి చేరిన ప్రస్థానం..
పేదరికం నుంచి
*_మైసూరు రాచరికం వరకు_*
*_చేర్చిన మేథోత్ధానం..._*
గమ్యం తెలియక..
సౌమ్యం ఎరుగక
పరుగులు తీసే ప్రవాహాలకు
*_నడకలు నేర్పి.._*
*_మలుపులు తిప్పిన శిల్పి.._*
*ఆధునిక భారత*
*ప్రాజెక్టుల రూపశిల్పి..!*
విద్యాభ్యాసం నాడు
ఆ మస్తిష్కంలో నాటుకున్న
*_ప్రతి అక్షరం జలాక్షరం.._*
*_పారే నదుల పరవళ్ళే_*
*_ఆయన భాష.._*
ఉరికే జలపాతాల ఉరవళ్ళే
ఆయన గుండె ఘోష..
ఆ భాషకు అర్థం తెలిసి
ఆ ఉరుకుల..పరుగుల
పరమార్థం ఎరిగి..
జలమే పుడమి వేలుపై
మానవాళి మేలుకొలుపై
నిలిచేలా మలచిన రుషి..
*ఈ గడ్డపై పుట్టిన మహామనీషి!*
మాన్యుడై..ధన్యుడై..
భరతభూమిపై కదలాడే..
కృతజ్ఞతగా ఆయన జయంతి
*ఇంజనీర్స్ డే..!*
**********************
మోక్షగుండం జయంతి
(15.09.1860)
సందర్భంగా ప్రణామాలు..
*_ఎలిశెట్టి సురేష్ కుమార్_*
విజయనగరం
9948546286
0 కామెంట్లు
Please Do not enter any spam link in the comment box