మానవుడే మహనీయుడు!

 *_మానవుడే మహనీయుడు!_*

______________________

_మానవతా దినోత్సవం_

✒️✒️✒️✒️✒️✒️✒️

_సురేష్ కుమార్ ఎలిశెట్టి_

        9948546286

💐💐💐💐💐💐💐

మానవతకు ఓ రోజేంటి..

అది నీ నైజం..

మనిషి ఇజం..

నిన్ను నిన్నుగా నిలబెట్టే

లక్షణం..

కోటానుకోట్ల జీవరాశులున్న

సృష్టిలో మనిషికి మాత్రమే

అబ్బిన సలక్షణం..

అందుకే అతడయ్యాడు 

అంత విలక్షణం..!

మానవత..

మనిషే లేనినాడు 

ఎక్కడిది ఈ పదం..

మానవతే మనిషి పధం..

అదే అతడి ధర్మం..

మానవ జీవన మర్మం..

నిత్య ఆచరణీయ కర్మం!

అయితే ఇలాంటి

ఓ రోజు అవసరమే..

మనిషి తనలోని

మనీషిని మర్చిపోతున్న వేళ

మానవతకు దూరమై..

ఇహం మరచి...అహం పెరిగి

దుష్టచర్యలపై 

మోహం మితిమీరి

మానవుడే దానవుడౌతున్న

తరుణంలో 

నీలోని నిన్ను నిద్రలేపి..

నువ్వు మనిషివి సుమాని

గుర్తు చేసేందుకు ఈ దినం..

దీనినే పాటించాలి

నువ్వు అనుదినం..!

ఇక్కడ బోధలకు తావు లేదు

నేనూ మనిషినే..

ఆ తానులో ముక్కనే..

నువ్వెలా అయితే 

నేనూ అలాగే..

కొంచెం అటూ ఇటూ..

ఆటు పోటు..!

*_మానవతే విధమైతే_*

*_అదే మారని పథమైతే.._*

*_మానవుడే మహనీయుడు..!_*

_______________________