(మా ఊళ్లో చిన్నప్పుడెప్పుడో
మురళీ కేఫ్ హోటల్లో ఆరుద్ర
భోజనం చేస్తుంటే గుర్తుపట్టి పలకరించిన సా(వా)హసానికి
ఆరుద్ర ఎంత ముద్ర వేసారో
నా జ్ఞాపకాలపై..
అలా జర్నలిస్టు కాకమునుపే
నేను భాగ్యంతో భాష్యం విన్న
పెద్దాయన భాగవతుల..)
*_అది ఆరుద్ర ముద్ర..!_*
********************
*_త్వమేవాహం.._*
ఓ సాహితీ ప్రవాహం..
మహాకవి శ్రీశ్రీ
మెచ్చి దాసోహం..
*_ఆరుద్రకే చెల్లిన ఆరోహం!_*
గేయమైనా..సినీ గీతమైనా
ప్రతి పదంలో తన ముద్ర..
ఔను..ఇది రాసింది ఆరుద్ర...
అది ఆయన శైలి..
అందుకే అయ్యాడు *_సినీవాలి!_*
*_కూనలమ్మ పదాలు_*
పలికితే మురిసిపోవా పెదాలు..
*_రహదారి బంగళా.._*
ఆరుద్ర మార్కు
*_సాహితీ మేళా!_*
బీదలపాట్లుతో మొదలైన సినీప్రస్థానం..
పేదరికమే చూపింది
చాలా కాలం..
కొళాయి నీరు త్రాగి
అక్షరాల పంపు విప్పితే
*_వేదంలా ఘోషించె గోదావరి_*
*_అమర ధామంలా శోభిల్లే రాజమహేంద్రి.._*
అంతకు ముందే
*_కొండగాలి తిరిగింది_*
*_గుండె ఊడులాడింది_*
*_గోదావరి వరద లాగ_*
*_కోరిక చెలరేగింది.._*
సినిమా పాట
దశే మారింది..!
పొడుగాటి లాల్చీ..
అంతకంటే పొడుగైన గెడ్డం..
తెల్లటి పైజమా..
భుజాన సంచి..
అతడేగా మధురగీతాల విరించి..
తానుగా హేతువాది..
అయినా ఆ కలంలో
ఇందీవర శ్యాముడు
అందువలన దేముడు
అయ్యాడు దాశరథి..!
బాలభారతంలో రాసే
అవకాశం వస్తే
ఆకాశానికి నిచ్చెనలేసి
ఎక్కిన భీముడు
*_మానవుడే మహనీయుడై_*
*_శక్తియుతుడు యుక్తిపరుడై_*
మాననీయుడూ అయ్యాడు అరుద్ర పెన్నుతొ..
*_రాయినైనా కాకపోతిని_*
*_రామపాదము సోకగా_*
అంటూ వాణిశ్రీ
నీటిని..నిప్పును
కురిపించింది చెరో కన్నుతో!
కవీ..కవికి వలదయ్య
ఈ కాగితము..
అంటూ ప్రత్యక్షంగా
పొట్టి ప్రసాదుకి చురకలేసాడు
మల్లెపూవులో..
ఠావుల కొద్ది మాటలు
టన్నుల కొద్ది పాటలు రాసిన భాగవతుల శివశంకర శాస్త్రి
బహు కావ్యసౌధాల
*_అక్షర మేస్త్రి!_*
************************
_ఆరుద్ర జయంతి_
(31.08.1925)
_సందర్భంగా ప్రణామాలు_
*_ఎలిశెట్టి సురేష్ కుమార్_*
9948546286
0 కామెంట్లు
Please Do not enter any spam link in the comment box