_భూజాత వెతల కత!

 

భూజాత వెతల కత!

సురేష్ కుమార్ ఎలిశెట్టి

       9948546286

అంతటి రామయ్యకు 

ఒక్కసారే వనవాసం..

కానీ తల్లి సీతమ్మ...

విడిచి వైకుంఠవాసం

పుట్టి బుద్దెరుగక ముందే 

భూమిలో మందసవాసం..

అత్తింటివాసం మధురిమలు 

పూర్తిగా ఆస్వాదించక 

మునుపే అరణ్యవాసం..

అక్కడా భర్తతో 

హాయిగా ఉండకుండా 

అశోకవనవాసం..

అది ముగిసే నాటికి 

అకస్మాత్తుగా అగ్నిప్రవేశం..

ఆ కష్టాలు దాటి 

కొన్నాళ్ళు రాణివాసం..

అంతలోనే 

చాకలి నిందతో 

మళ్లీ అరణ్యవాసం..

అటు నుంచి వాల్మీకి 

ఆశ్రమ నివాసం..

అలా జీవితం మొత్తం 

కష్టాలతోనే సహవాసం..

చివరకు ప్రాణసమానుడైన 

పతి రామయ్య

బిడ్డలు లవకుశులను విడిచి

తల్లి భూగర్భమే ఆవాసం..!

*సీతమ్మ పుట్టినరోజు సందర్భంగా*

*సాధ్వీలలామకు*

*శతసహస్ర నమస్సులతో..* 

🙏🙏🙏🙏🙏🙏🙏