తమిళనాడులోని కోయంబత్తూరు జిల్లాకు చెందిన 21 ఏళ్ల సాయినికేష్ రవిచంద్రన్ అనే విద్యార్థి రష్యాకు వ్యతిరేకంగా పోరాడేందుకు ఉక్రెయిన్‌లోని పారామిలటరీ దళాలలో చేరాడు. దీంతో అధికారులు అతని నివాసానికి వెళ్లి తల్లిదండ్రులను అడిగి తెలుసుకున్నారు. నిజానికి సాయినికేష్ ఇండియన్ ఆర్మీలో చేరడానికి దరఖాస్తు చేసుకున్నాడని కానీ తిరస్కరించబడిందని తెలిపారు.
సాయినికేష్ 2018లో ఖార్కివ్‌లోని నేషనల్ ఏరోస్పేస్ యూనివర్శిటీలో చదువుకోవడానికి ఉక్రెయిన్ వెళ్లారు. కానీ అతను జూలై 2022 నాటికి ఈ కోర్సును పూర్తి చేయాల్సి ఉంది. అయితే ఉక్రెయిన్‌లో కొనసాగుతున్న యుద్ధం కారణంగా అతని కుటుంబం సాయినికేష్‌తో కమ్యూనికేషన్ కోల్పోయింది. అతని తల్లిదండ్రులు రాయబార కార్యాలయం సహాయం కోరిన తర్వాత వారు సాయినికేష్‌ను సంప్రదించగలిగారు. రష్యాకు వ్యతిరేకంగా పోరాడేందుకు ఉక్రెయిన్ పారామిలిటరీ దళాల్లో చేరినట్లు ఆయన కుటుంబసభ్యులకు తెలియజేశారు.
భారత యువకుడు సాయినికేష్ రవిచంద్రన్ రష్యాపై యుద్ధం చేస్తూ ఉక్రెయిన్ సైన్యంలో చేరాడు
ఉక్రెయిన్‌లో చదువుకునేందుకు వెళ్లిన 21 ఏళ్ల సాయినికేష్ రవిచంద్రన్ ఇప్పుడు అక్కడి సైన్యంలో చేరి రష్యాపై యుద్ధం చేస్తున్నాడు. తమిళనాడులోని కోయంబత్తూరు జిల్లాలో నివసిస్తున్న అతని తల్లిదండ్రులు ఈ విషయాన్ని ధృవీకరించారు. సాయినికేష్ తల్లిదండ్రులను అధికారులు ప్రశ్నించారు.
రష్యాకు వ్యతిరేకంగా పోరాడాలని ఉక్రెయిన్ ప్రపంచవ్యాప్తంగా ప్రజలకు పిలుపునిచ్చింది
ఈ విజ్ఞప్తిపై, ఉక్రేనియన్ సైన్యం తరపున అనేక దేశాల ప్రజలు ముందుంటున్నారు.
భారతదేశానికి చెందిన సాయినికేష్ రవిచంద్రన్ అనే యువకుడు కూడా ఉక్రెయిన్ ఆర్మీలో చేరాడు.
2018లో భారత సైన్యంలో చేరేందుకు సాయినికేష్ కూడా ప్రయత్నించాడు.
రష్యా, ఉక్రెయిన్ దేశాల మధ్య యుద్ధం అప్పుడప్పుడే ముగింపు దశకు చేరుకునే పరిస్థితులు కనిపించడం లేదు. ఉక్రెయిన్ పట్ల ప్రపంచవ్యాప్తంగా సానుభూతి పెరుగుతోంది. రోజులు గడుస్తున్న కొద్దీ ఉక్రెయిన్ సైన్యంలో చేరే విదేశీయుల సంఖ్య కూడా పెరుగుతోంది. రష్యా దాడికి వ్యతిరేకంగా పోరాడేందుకు భారత్‌కు చెందిన ఓ యువకుడు కూడా ఉక్రెయిన్ సైన్యంలో చేరినట్లు చెబుతున్నారు. తమిళనాడులోని కోయంబత్తూరు జిల్లాకు చెందిన సాయినికేష్ రవిచంద్రన్ ఫోటోలు సోషల్ మీడియాలో వైరల్ అవుతున్నాయి.
భారతీయ యువకుడు ఉక్రెయిన్ సైన్యం తరపున యుద్ధం చేస్తున్నట్లు ఉక్రేనియన్ మీడియా ది కైవ్ ఇండిపెండెంట్ ట్వీట్ చేసింది. వివిద దేశాలకు చెందిన యువకులు ఉక్రేయిన్ సైన్యంలో చేరి పోరుడుతున్నారు. 'ఉక్రేనియన్ గ్రౌండ్ ఫోర్సెస్ సమాచారం ప్రకారం,అమెరికా, ఇంగ్లాండ్, స్వీడన్, లిథువేనియా, మెక్సికో మరియు భారతదేశం నుండి చేరారని సమాచారం.'
సాయినికేష్ తల్లిదండ్రులధృవీకరణ
వాస్తవానికి 21 ఏళ్ల సాయినికేష్ రవిచంద్రన్ ఉక్రెయిన్ సైన్యంలో చేరినట్లు కోయంబత్తూరులో నివసిస్తున్న అతని తల్లిదండ్రులు ధృవీకరించారు. మీడియా లో వార్త కథనాలు వచ్చిన తర్వాత అధికారులు అతని తల్లిదండ్రులను సంప్రదించారు. సాయినికేష్ గతంలో ఇండియన్ ఆర్మీలో చేరేందుకు ప్రయత్నించాడు. 2018లో ఇండియన్ ఆర్మీలో చేరడానికి పరీక్షకు హాజరయ్యారని చెప్పారు. అయితే పరీక్షలో తప్పడంతో ఆయన కోరిక నెర వేరలేదు. ఆ తర్వాత చదువుల కోసం ఉక్రెయిన్‌కు వెళ్లి అక్కడ ఖార్కివ్‌లోని నేషనల్ ఏరోస్పేస్ యూనివర్సిటీలో చేరాడు.
యుద్దం మొదలైన తర్వాత కొడుకుత సంబంధాలు తెగి పోయాయి
ఉక్రెయిన్‌పై రష్యా దాడి తర్వాత తమ కొడుకుతో సంబంధాలు తెగిపోయాయని సాయినికేష్ తల్లిదండ్రులు చెప్పారు. అయితే, ఉక్రెయిన్‌లోని భారత రాయబార కార్యాలయం అభ్యర్థన మేరకు అతని వివరాలు తెల్సుకున్నారు. ఉక్రెయిన్ సైన్యంలో చేరినట్లు సాయినికేష్ తల్లిదండ్రులకు చెప్పాడు. అతను తన ఇష్టానుసారమే ఉక్రెయిన్ సైన్యంలో చేరినట్లు తల్లిదండ్రులకు చెప్పాడు.
రష్యాపై పోరాటంలో సహాయం కోసం ఉక్రేనియన్ సైన్యం మొత్తం ప్రపంచానికి విజ్ఞప్తి చేసింది. ప్రత్యక్ష పోరాటానికి సైన్యంలో చేరాలని అభ్యర్థిస్తూ అంతర్జాతీయ సైన్యాన్ని ఏర్పాటు చేస్తున్నట్లు కూడా ప్రకటన చేశారు. విదేశీయులతో రూపొందించబడిన ఈ బృందానికి ఇంటర్నేషనల్ లెజియన్ అని పేరు పెట్టారు.
0 కామెంట్‌లు
Please Do not enter any spam link in the comment box